Fortune Life ផ្តល់ជូនការធានារ៉ាប់រងបន្ថែមករណីជំងឺកូវីដ ១៩ សម្រាប់អតិថិជនទាំងចាស់ និងថ្មី ដែលបានទិញបណ្ណសន្យារ៉ាប់រងពី ក្រុមហ៊ុន ហ្វ័រឈូន ឡាយហ្វ៍ មុន ឬនៅត្រឹមថ្ងៃទី ៣១ ខែតុលា ឆ្នាំ២០២១ ។
ខ និងលក្ខខណ្ឌ
ការធានារ៉ាប់រងបន្ថែមករណីជំងឺកូវីដ ១៩ របស់ក្រុមហ៊ុនហ្វ័រឈូន ឡាយហ្វ៍
- ការធានារ៉ាប់រងបន្ថែមករណីជំងឺកូវីដ ១៩ របស់ក្រុមហ៊ុនហ្វ័រឈូន ឡាយហ្វ៍ ត្រូវបានផ្តល់ជូនអតិថិជនទាំងចាស់ និងថ្មី ដែលបានទិញបណ្ណសន្យារ៉ាប់រងពី ក្រុមហ៊ុន ហ្វ័រឈូន ឡាយហ្វ៍ មុន ឬនៅត្រឹមថ្ងៃទី ៣១ ខែតុលា ឆ្នាំ២០២១ ដែលយ៉ាងហោចណាស់មានបណ្ណសន្យារ៉ាប់រងបុគ្គលដែលមានសុពលភាពមួយ។
- រយៈពេលនៃការធានារ៉ាប់រងបន្ថែមនេះ មានសុពលភាពរហូតដល់ ៦០ ថ្ងៃ បន្ទាប់ពីរយៈពេលរងចាំ ១៤ ថ្ងៃ។ សម្រាប់អតិថិជនចាស់ដែលមានបណ្ណសន្យារ៉ាប់រងទើបតែអនុម័តនៅក្នុងរយៈពេល ៦០ ថ្ងៃបន្ទាប់ពីរយៈពេលរងចាំ នឹងទទួលបានការធានារ៉ាប់រងបន្ថែមផងដែរ។
- ការធានារ៉ាប់រងបន្ថែមនេះ រួមមានអត្ថប្រយោជន៍បន្ថែម ៤០០០ ដុល្លារអាមេរិកលើមរណៈភាពដោយសារជំងឺកូវីដ ១៩ និងអត្ថប្រយោជន៍ស្មើនឹងបុព្វលាភធានារ៉ាប់រងដំបូងដែលបានបង់សម្រាប់បណ្ណសន្យារ៉ាប់រង (រហូតដល់ ៥៥០ ដុល្លារអាមេរិក)លើការព្យាបាលនៅមន្ទីរពេទ្យនៅពេលធ្វើរោគវិនិច្ឆ័យឃើញថាមានជំងឺកូវីដ ១៩។ ការផ្តល់ជូនការធានារ៉ាប់រងបន្ថែមនេះ នឹងជំនួសលើការផ្តល់ជូនការធានារ៉ាប់រងបន្ថែម ជំងឺកូវីដ ១៩ ដែលមានស្រាប់និងកំពុងត្រូវបានផ្តល់ជូនដោយ ក្រុមហ៊ុន ហ្វ័រឈូន ឡាយហ្វ៍។
- ក្រុមហ៊ុន ហ្វ័រឈូន ឡាយហ្វ៍ នឹងផ្តល់សំណងសរុបអតិបរមាត្រឹម ៥០.០០០ ដុល្លារអាមេរិក ប៉ុណ្ណោះចំពោះការធានារ៉ាប់រងបន្ថែមករណីជំងឺកូវីដ ១៩ នេះ។
- ការធានារ៉ាប់រងបន្ថែមករណីជំងឺកូវីដ ១៩ នេះនឹងត្រូវចាត់ទុកជាមោឃៈក្នុងករណីអតិថិជនដែលប្រឆាំងនឹងការណែនាំរបស់រដ្ឋាភិបាលក្នុងការធ្វើដំណើរ ឬទស្សនាតំបន់ ឬ ប្រទេសជាក់លាក់ដែលត្រូវបានរិតត្បិតដោយការផ្ទុះឡើងនៃជំងឺកូវីដ១៩។
- រយៈពេលរង់ចាំ ១៤ ថ្ងៃ ត្រូវបានអនុវត្តចំពោះអត្ថប្រយោជន៍ករណីជំងឺកូវីដ ១៩ គិតចាប់ពីកាលបរិច្ឆេទចេញបណ្ណសន្យារ៉ាប់រង និងកាលបរិច្ឆេទបន្តសុពលភាពឡើងវិញនៃបណ្ណសន្យារ៉ាប់រង (ដោយយកកាលបរិច្ឆេទមួយណាចុងក្រោយគេ)។
- ស្ថានភាពសុខភាពកើតមុនពេលធានារ៉ាប់រង មិនត្រូវបានធានាឡើយ។
- អត្ថប្រយោជន៍ដែលត្រូវផ្តល់ជូននោះត្រូវទូទាត់នៅក្នុងករណី៖
– អតិថិជនត្រូវបានអនុញ្ញាតឲ្យសម្រាកក្នុងមន្ទីរពេទ្យដើម្បីព្យាបាលត្រឹមត្រូវ ដោយមិនរាប់បញ្ចូលការព្យាបាលនៅតាមផ្ទះ។
– អត្ថប្រយោជន៍នេះត្រូវផ្តល់ជូនតែម្តងប៉ុណ្ណោះសម្រាប់អ្នកត្រូវបានធានារ៉ាប់រងម្នាក់ ដោយមិនគិតពីចំនួនបណ្ណសន្យារ៉ាប់រងដែលអ្នកត្រូវបានធានារ៉ាប់រងមាន។
– ក្នុងករណីអ្នកត្រូវបានធានារ៉ាប់រង និង ម្ចាស់បណ្ណសន្យារ៉ាប់រងមិនមែនជាមនុស្សតែមួយ នោះអត្ថប្រយោជន៏គឹមានការផ្ដល់ជូនសម្រាប់អ្នកត្រូវបានធានារ៉ាប់រងតែប៉ុណ្ណោះ។ - លទ្ធផលនៃការធ្វើរោគវិនិច្ឆ័យថាមានជំងឺកូវីដ ១៩ ត្រូវចេញដោយអ្នកប្រកបវិជ្ជាជីវៈផ្នែកវេជ្ជសាស្រ្ត ដែលបានចុះបញ្ជីត្រឹមត្រូវ និងត្រូវបញ្ជាក់អះអាងដោយស្ថាប័នរដ្ឋ (ក្រសួងសុខាភិបាល) ហើយត្រូវបានអនុញ្ញាតឲ្យសម្រាកក្នុងមន្ទីរពេទ្យត្រឹមត្រូវ។
- សម្រាប់ការទាមទារសំណងករណីមរណភាព ឬ រកឃើញថាមានជំងឺកូវីដ ១៩ អតិថិជន ឬអ្នកទទួលផលត្រូវជូនដំណឹងមកក្រុមហ៊ុន ហ្វ័រឈូន ឡាយហ្វ៍ ក្នុងរយៈពេល ៩០ (កៅសិប) ថ្ងៃ គិតចាប់ពីកាលបរិច្ឆេទនៃមរណភាព ឬរកឃើញថាមានជំងឺកូវីដ១៩ ហើយត្រូវផ្តល់រាល់ឯកសារពាក់ព័ន្ធដូចជា លទ្ធផលវិជ្ជមានកូវីដ១៩ រយៈពេលសម្រាកពេទ្យ និងសំបុត្រមរណភាព ដែលបញ្ជាក់ដោយអ្នកប្រកបវិជ្ជាជីវៈផ្នែកវេជ្ជសាស្រ្តដែលបានចុះបញ្ជីត្រឹមត្រូវនៅកម្ពុជា។
- ក្រុមហ៊ុន ហ្វ័រឈូន ឡាយហ្វ៍ រក្សាសិទ្ធិក្នុងការផ្លាស់ប្តូរ ខ និងលក្ខខណ្ឌដោយមិនចាំបាច់ជូនដំណឹងជាមុន ហើយការសម្រេចចិត្តចុងក្រោយនៃការផ្តល់សំណង គឺអាស្រ័យលើឆន្ទានុសិទ្ធិរបស់ក្រុមហ៊ុន។